Logo

“Göyəzən” Ağır Atletika Klubunun 17 yaşlı yetirməsi Avropa rekordunu təzələyib

16.08.2022 03:31 107 baxış
IMG

Polşanın Raşin şəhərində 15-17 yaşlı yeniyetmələr arasında keçirilən Avropa birinciliyində 36 ölkədən 331 nəfər ( 160 qız+171 oğlan) yeniyetmə atlet  öz gücünü sınamaqda davam edir.

Bu mötəbər yarışmada  Azərbaycan yığma komandasının üzvləri də iştirak edirlər. Qazax rayonunun “Göyəzən” idman klubunu təmsil edən həmyerlimiz Pərvin Alməmmədov  birdənqaldırma hərəkətində 126, təkanla qaldırma hərəkətində isə 158 kiloqram nəticə nümayiş etdirərək  hər iki nəticə üzrə gümüş medal qazanıb. Beləliklə,  idmançımız qaldırdığı çəkilərin  toplam nəticəsinə görə (284 kiloqram) qalib elan olunaraq 67 kiloqram çəki dərəcəsində Avropa rekordunu yeniləyib. Qızıl medalın təqdimetmə mərasimində Azərbaycanın Polşadakı səfiri Nərgiz Qurbanova və  “Göyəzən” Ağır Atletika Klubunun rəhbəri Azər Əlizadə də iştirak ediblər.

Qeyd edək ki, avqust ayının  18-dək davam edəcək qitə birinciliyində  192 qız və 201 oğlan  qalib olmaq uğrunda mübarizə aparacaq.

Sifai SƏFƏROVA

Xəbər lenti