Gəncə Şəhər İcra Hakimiyyətinin dəstəyi və Gəncə Regional Mədəniyyət İdarəsinin təşkilatçılığı ilə Nizami Gəncəvi Məqbərəsində iməçilik təşkil edilib.

Tehsil.biz xəbər verir ki, təmizlik aksiyasına Mənzil Kommunal Təsərrüfatı İstehsalat Birliyinin və Kəpəz Bələdiyyəsinin canlı qüvvə və texnikaları cəlb olunub. 

İməcilikdə kompleksin ətrafı, səkilər alaq otlarından və tullantılardan təmizlənib,  məqbərənin daxili və ətrafı səliqəyə salınıb. Yığılan tullantıların kompleksdən daşınması təmin edilib. Ərazidə mövcud olan yaşıllıqlara aqroteniki qulluq göstərilib və suvarılması təmin edilib.

Qeyd edək ki, dünya şöhrətli ədibimizin məqbərə kompleksində mütamadi olaraq bu kimi aksiyalar təşkil edilir.