Dağlıq Şirvan Regional Təhsil İdarəsi üzrə Şamaxı rayon ümumtəhsil məktəblərində yüksək nəticə göstərmiş məzunların mükafatlandırma mərasimi keçirilib.

Tehsil.biz xəbər verir ki, Şamaxı rayon Heydər Əliyev adına parkda təşkil olunan görüşdə Dağlıq Şirvan Regional Təhsil İdarəsinin müdiri Rövşən Əliyev, Şamaxı Rayon İcra Hakimiyyətinin Başçısı Tahir Məmmədov, Şamaxının millət vəkili Tamam xanım Cəfərova, Şamaxı Rayon Təhsil Sektorunun müdiri Məsud Babayev və digər qonaqlar iştirak edib.

Qeyd edək ki, 2021-2022-ci tədris ilində Şamaxı rayon ümumtəhsil məktəblərinin məzunlarından 12 nəfəri 600 bal, 24 nəfəri 500-dən artıq bal toplayıb. Sonda ali təhsil müəssisələrinə qəbul imtahanlarında yüksək nəticə göstərən məzunlara, həmçinin bir sıra müxtəlif layihə və müsabiqələrdə qalib olmuş şagirdlərə fəxri fərman və mükafatlar təqdim olunub.