Bakı Dövlət Universitetinin (BDU) Kitabxanaçılıq-informasiya, Beynəlxalq münasibətlər və iqtisadiyyat fakültələrinin könüllülərinin birgə təşkilatçılığı ilə “Azərbaycan filmləri XXI əsrin yaddaşında” adlı intellektual yarış keçirilib.
Bu barədə "Tehsil.biz"ə BDU-dan məlumat verilib.
Yarışın keçirilməsində məqsəd milli-mənəvi dəyərləri özündə birləşdirən Azərbaycan filmləri haqqında tələbələri maarifləndirmək, onların dünyagörüşlərinin formalaşmasına yardım etməkdir.
Ümumilikdə 12 fakültənin tələbələrinin iştirak etdiyi yarışda I yeri Kimya, II yeri Beynəlxalq münasibətlər və iqtisadiyyat, III yeri isə Kitabxanaçılıq-informasiya və Filologiya fakültələrinin komandaları qazanıblar.
Sonda qalib komandalara sertifikat və mükafatlar təqdim olunub.