Azərbaycan Turizm və Menecment Universitetində (ATMU) İsrailin ölkəmizdəki səfirliyinin məsul şəxsləri ilə görüş keçirilib.

Bu barədə "Tehsil.biz"ə ATMU-dan məlumat verilib.

Diplomatik korpusun missiya müavini Doron Pe`erə bildirilib ki, 2008-ci ildən bu günədək ATMU-nun xeyli sayda tələbəsi İsrailin turizm sənayesinin nüfuzlu müəssisələrində peşəkar vərdişlərə yiyələniblər. Hazırda universitet məzunları təkcə ölkəmizin deyil, dünyanın bir sıra məşhur hotellərində rəhbər vəzifələrdə çalışırlar. Söhbət əsnasında Beynəlxalq əlaqələr şöbəsinin müdiri Orxan Musa, Turizm və qonaqpərvərlik fakültəsinin dekanı Bahadur Bilalov, Karyera və kommunikasiya şöbəsinin rəhbəri Səidə Məmmədova İsraildə cari tədris ilində də universitet tələbələri üçün istehsalat təcrübəsinin təşkilində maraqlı olduqlarını vurğulayıblar.

Görüş çərçivəsində ATMU və İsrailin turizm təhsili verən ali təhsil müəssisələri arasında səmərəli əməkdaşlıq imkanlarının hədəfləri nəzərdən keçirilib.