Azərbaycanda daha bir təhsil işçisinin səs yazısı yayılıb. Bu dəfə Azərbaycan Texnologiya Universitetinin (UTECA) rektoru vəzifəsini icra edən Yaşar Ömərovun tabeliyində çalışan işçiləri təhdid edən audioyazısı ortaya çıxıb.

Tehsil.biz xəbər verir ki, Yaşar Ömərov vəzifəsinin icrasına başlayandan dərhal sonra keçmiş rektor Akif Süleymanova yaxınlığı ilə tanınan bütün kadrları işdən azad etməyə başlayıb.

Həmçinin oxuyun: Universitetdə QALMAQAL: “Rektor dedi ki, ərizə yazmasan, şərləyib çıxaracam”

Sözügedən audioyazıdan aydın olur ki, o, hətta universitetin xanım əməkdaşlarını da təhdid edib. Yaşar Ömərov əməkdaşları keçmiş rektora xəbərçilik etməkdə suçlayaraq, onlardan öz ərizələri ilə işdən getmələrini tələb edir:

“Hələ 2 həftə buradayam. Gedib bu şad xəbəri Akif müəllimə çatdıra bilərsiniz. Yaxşısı budur ki, ərizənizi yazıb öz xoşunuzla işdən gedin, yoxsa sonra hamınızı pis günə qoyacağam”.

Həmin səs yazısını təqdim edirik: