Beynəlxalq müsabiqələr laureatı, pianoçu və bəstəkar, Əməkdar artist İsfar Sarabski noyabrın 6-19-da keçiriləcək Roma Caz Festivalında iştirak edəcək.
Tehsil.biz xəbər verir ki, musiqiçi kvartetlə birgə noyabrın 15-də Romadakı “Parco della Musica” konsert zalının səhnəsində “Planet” albomundan mahnılar ifa edəcək.
Qeyd edək ki, hər il noyabrda təşkil olunun Roma Caz Festivalı dünyanın hər yerindən ən yaxşı caz ifaçılarını bir araya toplayır. Hər dəfə festivalın əsas mövzusu kimi cazın formalarından biri seçilir. Bu festivalın əsas məqsədi təkcə caz musiqisini dəstəkləmək və məşhurlaşdırmaq deyil, həm də dinləyicilər üçün müsbət atmosfer yaratmaqdır.
