Bakı Dövlət Universiteti (BDU) tələbələr arasında 8 Noyabr – Zəfər Gününə həsr olunmuş rəsm müsabiqəsi elan edib.

Tehsil.biz xəbər verir ki, müsabiqəyə 44 günlük Vətən müharibəsində parlaq Zəfərimizi, uzun illər həsrətində olduğumuz torpaqlarımızın səfalı təbiətini, qəhrəman əsgərlərimizin döyüş ruhunu əks etdirən əsərlər qəbul olunur.

Rəsmlərin işlənmə texnikası sərbəstdir.

Müsabiqəyə təqdim olunan rəsmlərin aşağı sağ küncündə tələbənin adı, soyadı, təhsil aldığı fakültə qeyd olunmalıdır.

Müsabiqədə yalnız BDU-nun tələbə və magistrantları iştirak edə bilərlər.

Rəsmlər müəllifin tələbə vəsiqəsinin surəti ilə birlikdə 2022-ci il noyabr ayının 2-dək BDU-nun Humanitar məsələlər və gənclər siyasəti şöbəsinə təqdim olunmalıdır.