Oktyabrın 22-də Yevlax rayonunun Xaldan kənd kompleks tam orta məktəbinin həyətyanı sahəsində yeni ting yetişdirmə sahəsi salınıb.
Tehsil.biz xəbər verir ki, keçirilən ağacəkmədə Mərkəzi Aran Regional Təhsil İdarəsinin müdiri Elçin Kərimov və məktəbin kollektivi iştirak edib.
Məktəbin 0.6 hektara yaxın həyətyanı sahəsində çökə ağacının toxumu, 18 minə yaxın müxtəlif gül tingləri əkilib. Daha sonra iştirakçılar ərazidə təmizlik-abadlıq işləri aparıb, yeni əkilən ağacların suvarılmasını həyata keçiriblər.
Qeyd edək ki, sözügedən məktəbdə tingçiliyin inkişaf etdirilməsi və yetişdirilən tinglərin gələcəkdə regionun digər təhsil müəssisələrinə verilməsi planlaşdırılır.
