Rejissor, ssenarist, Əməkdar incəsənət xadimi Leyla Səfərova dünyasını dəyişib.

Bu barədə "Tehsil.biz"ə Azərbaycan Kinematoqrafçılar İttifaqından məlumat verilib.

Qeyd edək ki, Leyla Səfərova 15 oktyabr 1945-ci ildə Gəncə şəhərində anadan olub.

1969–1974-cü illərdə Moskvada Ümumittifaq Dövlət Kinematoqrafiya İnstitutunun (ÜDKİ) kinorejissorliq fakultəsində təhsil alıb.

1985–1987-ci illərdə Azərbaycandövlət teleradio şirkıtində,1987-ci ildən “Azərbaycanfilm” kinostudiyasında rejissor kimi fəaliyyət göstərməyə başlayıb.

Çalışdığı illər ərzində “Oğul”(1982), “Kölgədə 40 dərəcə isti” (1988), “Seans”(1988), “Naməlum torpaq” (1992), “Bakı Xoreoqrafiya Məktəbi 2005” (2005), “Azərbaycan Respublikasının mayakları” (2006) və s. filmləri ekranlaşdırıb.

29 iyul 2016-cı ildə Azərbaycan kinematoqrafiyasının inkişafında xidmətlərinə görə Azərbaycanın Əməkdar incəsənət xadimi fəxri adına layiq görülüb.