Lənkəran Dövlət Universitetinin (LDU) “İqtisadiyyat və İdarəetmə” fakültəsində “Gənc İqtisadçılar Klubu”nun 2022-2023-cü tədris ili üçün nəzərdə tutulan ilk elmi seminarı keçirilib.

Tehsil.biz xəbər verir ki, elmi seminarda GİK-nin (Gənc İqtisadçılar Klubu) sədri Şahanə Babazadə klubun 5 illik fəaliyyəti haqqında məlumat verib. Klubun üzvü Elza Talışzadə “Tullantılardan gələn zənginlik” mövzüsunda məruzə edib.

Mövzü ətrafında müzakirələrdə klubun üzvlərinin fikir və mülahizələri dinlənilib. Maraqlı təqdimata görə Elza Talışzadə dekanlıq tərəfindən təşəkkürnamə ilə təltif olunub.

Seminarda fakültənin dekanı Gülbəniz Əliyeva, müəllimlər və klub üzvləri iştirak edib.