Şəmkir rayonunun ümumi təhsil müəssisələrinin IX-XI sinif şagirdləri arasında “Zəfər Yolu” inşa müsabiqəsi keçirilib.

Tehsil.biz xəbər verir ki, Şəmkir Rayon İcra Hakimiyyətinin təşəbbüsü, Qazax-Tovuz Regional Təhsil İdarəsinin Şəmkir Rayon Təhsil Sektorunun təşkilatçılığı ilə keçirilən müsabiqə məktəb və rayon üzrə olmaqla iki mərhələdə təşkil olunub.

Birinci mərhələdən 33 məktəbdən 34 şagird rayon mərhələsinə vəsiqə qazanıblar.

Rayon üzrə keçirilən final mərhələsində isə iştirakçılar I, II, III yer üzrə qalib adını qazanıblar. Qaliblər “8 Noyabr Zəfər Günü”nə həsr olunmuş ümumrayon tədbirində mükafatlandırılacaq.

Qeyd edək ki, Şəmkir rayonunda “8 Noyabr Zəfər Günü”nə həsr olunmuş silsilə tədbirlər davam edir.