Braun Universitetinin mütəxəssisləri tərəfindən aparılan bir araşdırma göstərib ki, zehinlilik təzyiqi azaltmağa kömək edir. İş 2022-ci ildə Amerika Ürək Assosiasiyasının Reanimasiya Elmi Simpoziumu zamanı təqdim olunub.

Tehsil.biz bu barədə "gazeta.ru"ya istinadən xəbər verir.

Məlumata görə, tədqiqatda yüksək qan təzyiqi olan 200 insan iştirak edib. Onlar hər biri 100 xəstədən ibarət iki qrupa bölünüb: birincisi zehinlilik təliminə, ikincisi isə klassik müalicəyə göndərilib. Tədqiqatın sonunda tədqiqatçılar iki qrupdan olan könüllülərin performansını müqayisə ediblər.

Məlum olub ki, zehinlilik proqramı insanlara sistolik qan təzyiqini (qan təzyiqi monitorunda ilk və ya yuxarı rəqəm) demək olar ki, 6 bal aşağı salmağa kömək edib. İkinci qrupda isə cəmi 1,4 bal azalma qeydə alınıb.

Əlavə təhlillər göstərib ki, birinci qrupdakı insanlar daha çox ürək üçün faydalı qidalar yeyir və aktiv həyat tərzi keçirirlər. Onlar həmçinin stress səviyyəsinin aşağı olduğunu bildiriblər.