Təhsildə İnkisaf və İnnovasiyalar üzrə VI qrant müsabiqəsinin qalib layihələrindən olan "Azad Şuşanın qurucu STEAM şagirdləri'' layihəsinin üçüncü təlimi uğurla baş tutub.

Tehsil.biz xəbər verir ki, robototexnika üzrə mütəxəssis təlimçi Ayaz Məmmədov "Rəqəmsal, analoq və pwm siqnallar.Aduinonun pwm və analoq pinleri. Button ve potensimetr ile ledlerin kontrolu" mövzusunda təlimi keçib, təlim şagirdlər tərəfindən maraqla qarşılanıb.

Layihədə Şuşa 24 nömrəli ümumi orta məktəbin şagirdləri ilə yanaşı, Kəlbəcər 31 nömrəli tam orta məktəbin şagirdləri də iştirak edir. 

Layihənin rəhbəri Şuşa 24 nömrəli ümumi orta məktəbin riyaziyyat-fizika müəllimi Yasəmən Mustafazadədir.