Noyabrın 21-də Bakı şəhəri Nəsimi rayonu Gənclər və İdman idarəsinin (Gİİ) dəstəyi və Azərbaycan Dövlət Pedaqoji Universiteti Könüllüləri Təşkilatının (ADPU Könüllüləri) nəzdində fəaliyyət göstərən Cinema klubun təşkilatçılığı ilə “Aktyorluğa addım - addım” layihəsi çərçivəsində tanınmış aktyor Rəşad Kəsəmənli ilə tələbələrin görüşü keçirilib.

Tehsil.biz xəbər verir ki, görüşdə Rəşad Kəsəmənli tələbələrə aktyorluq sənətinin incəlikləri və öz yaradıcılıq yolu haqqında danışmış, tələbələr tərəfindən ona ünvanlanmış sualları cavablandırıb.

Eyni zamanda aktyorluğa və bədii qiraətə marağı olan tələbələr də çıxış edərək öz təəssüratlarını bölüşüb.