Logo

"Google" proqramçıları dayandırmaq üçün gizli şəkildə süni intellekt inkişaf etdirir

24.11.2022 23:46 302 baxış
IMG

"Google" şirkətə çoxlu sayda proqramçının xidmətlərini dayandırmağa kömək edəcək gizli süni intellekt layihəsi üzərində işləyir.

Tehsil.biz xəbər verir ki, bu barədə "Business Insider" nəşri məlumat yayıb.

Nəşrin məlumatına görə, söhbət neyroşəbəkəyə əsaslanan proqram kodu generatorundan gedir. Korporasiya süni intellektin insan müdaxiləsi olmadan proqram kodu yarada, düzəldə və yeniləyə bilməsini təmin etmək istəyir.

Mənbələr layihənin Pitchfork kod adı altında Alphabetin ana şirkəti olan "X" tədqiqat bölməsində yarandığını izah ediblər. 2022-ci ilin yayından Olivia Hatalskinin rəhbərlik etdiyi Google Labs komandasının mühəndisləri layihəni həyata keçirirlər. Mütəxəssis Google Glass smart eynəklərinin hazırlanmasında iştirak edib və bir neçə ildir ki, X bölməsində çalışır.

İddia olunur ki, Pitchfork layihəsi digər İT işçilərinin əməyi əsasında proqramlaşdırma üslublarını öyrənə və kod yaza biləcək. Əvvəlcə Pitchfork Python proqramlaşdırma dilinin əsasını müstəqil olaraq yeni versiyalara yeniləyə bilən bir sistem idi.

Xəbər lenti