Dekabrın 2-3-də Bolqarıstanın paytaxtı Sofiyada "Vassil Levski" Milli İdman Akademiyasının 80 illik yubileyinə həsr olunmuş "İdmanda tətbiqi elmlər" mövzusunda lll Beynəlxalq Elmi Konqres keçirilib.

Tehsil.biz xəbər verir ki, konqres Avropa Birliyinin İnnovasiya, tədqiqat, mədəniyyət, təhsil və gənclər işləri üzrə komissarı, Avropa Parlamentinin üzvü Mariya Gabriyelin rəhbərliyi və iştirakı ilə təşkil olunub.

Konqresdə Bolqarıstan Respublikasının prezidenti Rumen Radev, Bolqarıstan parlamentinin üzvləri, nazirlər, ölkə rəsmləri, Milli İdman Akademiyasının rektoru və əməkdaşları, həmçinin xarici ölkələrdən olan rəsmi qonaqlar iştirak edib.

Azərbaycanı tədbirdə ASAPES-in prorektoru Rizvan Əliyev, “İdman menecmenti və kommunikasiya” kafedrasının müdiri, elmlər doktoru, professor Nailə Kələntərli və Hüquq təminatı və kadrlar şöbəsinin müdiri Fatma Məmmədova təmsil ediblər.

Konqresdə Akademiyanın fəaliyyətini əks etdirən ingilis dilində filmin nümayişi iştirakçılar tərəfindən böyük maraqla qarşılanıb. Təmsilçilərimiz avrokomissar Mariya Qabrielin, İspaniya, İsrail, Serbiya, Rumıniya və digər ölkələrdən olan nümayəndələrin ASAPES-in fəaliyyəti ilə bağlı suallarını cavablandırıblar.