Kürdəmirdə "Gəncdən gəncə" layihəsinin növbəti görüşü baş tutub.

Tehsil.biz xəbər verir ki, layihə çərçivəsində Prezident mükafatçısı, ədəbiyyatşünas, şair Ramil Əhmədlə gənclərin görüşü keçirilib. İnteraktiv formada keçən görüşdə Ramil Əhməd təhsilindən, karyerasından, qazandığı uğurlardan və nəaliyyətlərdən bəhs edib. 

Sonda gəncləri maraqlandıran suallar cavablandırılıb. Görüşdə aktiv iştirak edən gənclərə Ramil Əhmədin kitabları hədiyyə olunub.

Qeyd edək ki, görüş Kürdəmir rayonu üzrə təhsil sektorunun və Gənclərin İnkişaf və Karyera Mərkəzinin Kürdəmir nümayəndəliyinin birgə təşkilatçılığı ilə keçirilib.