"Şəhərdən kəndə, kənddən şəhərə” layihəsi çərçivəsində növbəti səfər Şəhid müəllimlərin çalışmış olduğu məktəblər arasında baş tutub.

Tehsil.biz xəbər verir ki, Daşkəsən rayon Gurbulaq kənd ümumi orta məktəbin direktor, müəllim və şagird kollektivi, Gəncə şəhər M.Ş.Vazeh adına 16 nömrəli və Gəncə şəhər M.Müşfiq adına 14 nömrəli tam orta məktəbə səfər ediblər.

Gəncə şəhərinin müvafiq məktəblərində kitabxana, rəqəmsal bacarıqlar dərsində, ibtidai siniflərdə və məktəb kitabxanalarında olan şagirdlər öz həmyaşıdları ilə həmsöhbət olublar.

Daha sonra Gurbulaq kənd ümumi orta məktəbin müəllim və şagird kollektivi Gəncə Dövlət Filarmoniyasında keçirilən Yeni il şənliyində iştirak ediblər.