Yanvarın 10-da Microsoft Windows 7 və Windows 8.1 üçün ən son təhlükəsizlik yamasını buraxacaq, bundan sonra bu əməliyyat sistemlərinə rəsmi dəstək dayandırılacaq.

Tehsil.biz xəbər verir ki, bu barədə gHacks portalı məlumat yayıb.

Bildirilib ki, istifadəçilər kompüterlərindən istifadə etməyə davam edə biləcəklər, lakin düzəlişləri olan yeni yamaların olmaması Windows 7 və ya 8.1 ilə işləyən cihazın təhlükəsizliyini riskə ata bilər.

Buna baxmayaraq, 0patch platformasının həvəskarları daha əvvəl bu əməliyyat sistemi üçün təhlükəsizlik yamaları buraxaraq Windows 7-ni ən azı 2025-ci ilə qədər dəstəkləyəcəklərini açıqlamışdılar. Onlar həmçinin 2025-ci ilin yanvar ayına qədər Windows 7 üçün Microsoft Edge dəstəyini elan ediblər.

Windows 7 və 8.1 müvafiq olaraq 2009 və 2013-cü illərdə buraxılıb. Uzun illər Windows 7-nin daha yeni versiyaları buraxıldıqdan sonra belə, o, aktiv istifadəçilərin sayına görə lider olaraq qalırdı.