Yanvarın 12-də Ağstafa rayon Həsənsu kənd tam orta məktəbində “Heydər Əliyev İli” ilə əlaqədar olaraq tədbir keçirilib.

Tehsil.biz xəbər verir ki, tədbirdə məktəbin müəllimləri və 8-ci sinif şagirdləri iştirak ediblər.

Məktəbin tarix müəllimi Əsmət Əliyeva ulu öndər Heydər Əliyevin həyat və fəaliyyəti ilə bağlı şagirdlərə geniş məlumat verib. Həmçinin Heydər Əliyevin Azərbaycan xalqının yaddaşında qurucu və xilaskar dövlət xadimi, milli lider və xalq məhəbbətini qazanan öndər kimi əbədilik qazanmasından danışıb.

Sonra tədbir şagirdlərlə diskusiya şəklində davam etdirilib.

Qeyd edək ki, 2023-cü il Azərbaycan Respublikası Prezidenti İlham Əliyev tərəfindən “Heydər Əliyev İli” elan olunub.