Yanvarın 16-da saat 13:00 radələrində Masallı şəhər R.Əlihəsənov adına 1 nömrəli tam orta məktəbin IX sinif şagirdi məktəbin 3-cü mərtəbəsindən özünü atıb.
Bu barədə "Tehsil.biz"ə Lənkəran-Astara Regional Təhsil İdarəsindən məlumat verilib.
Bildirilib ki, hadisə baş verdikdən dərhal sonra şagird Təcili Tibbi Yardım vasitəsilə Masallı Rayon Mərkəzi Xəstəxanasına yerləşdirilib:
"Hazırda məktəblinin vəziyyəti orta qiymətləndirilir.
Hadisə ilə bağlı müvafiq hüquq-mühafizə orqanları tərəfindən araşdırma aparılır".
