Masallı rayonu İnqilab Nağıyev adına Boradigah qəsəbə 2 nömrəli tam orta məktəbin yeni binası tikilib.
"Tehsil.biz"in məlumatına görə, üçmərtəbəli binada 28 sinif otağı, kimya, biologiya və fizika laboratoriyaları, texnologiya otaqları, kompüter otağı, akt və idman zalları, kitabxana, bufet və digər otaqlar var.
Yeni məktəb binası su, elektrik və istilik sistemi ilə, həmçinin binaya fasiləsiz elektrik enerjisi vermək məqsədilə generatorla təmin olunub. Məktəbin həyətində minifutbol, həndbol və basketbol meydançaları inşa edilib.
