Türkiyənin Boğaziçi Universitetinin Hisar şəhərciyində yerləşən yeməkxanasında yanğın baş verib.
Tehsil.biz xəbər verir ki, yanğın təxminən 500 kvadratmetrlik yeməkxanada, saat 04:30 radələrində, naməlum səbəbdən baş verib.
Yanğın kafeteryanın taxta damına görə sürətlə böyüyüb.
Xəbərdarlıq edildikdən sonra çox sayda xilasetmə qrupu universitetə göndərilib.
Müdaxilə nəticəsində yanğın nəzarət altına alınıb və söndürülüb.
Kafeterya olaraq istifadə edilən binada yanğın baş verməsinin səbəbləri araşdırılır.
