Gürcüstanın “BEEZ” Uşaq Teatrında Azərbaycanın tanınmış uşaq yazarı Vüqar Haqverdiyevin eyniadlı pyesi əsasında “Qarınqulu ayı balası” tamaşası hazırlanıb.
Tehsil.biz xəbər verir ki, “BEEZ” teatrının qurucusu və bədii rəhbəri Binəli İslamoğlunun səhnə həyatı verdiyi tamaşada rolları balaca aktyorlar – Nuri Qurbanov, Rəhimə Əliyeva, Seymur Muradov, Zehra Akif, Nuray Əhmədova, İslam Akif, Rabia Əhmədova, Nazlı Əliyeva və Elina İsayeva ida edirlər. Tamaşanın rəssamı Azmus, geyim üzrə rəssamı Mahnur Enverdir.
Əsərin başlıca ideyası uşaqlara sevimli heyvanların dili ilə düz danışmağı və dostluğu təbliğ etməyə, əyləncəli şəkildə həkimə, iynəyə qarşı qorxu hissinin aradan qaldırılmasına xidmət edir
Qeyd edək ki, tamaşanın yaxın vaxtlarda Gürcüstanın Qardabani rayonunda ilk təqdimatı keçiriləcək. Tamaşanın Gürcüstanın digər rayonlarında və Azərbaycanda da nümayişi nəzərdə tutulub.
