Epidemiya səbəbi ilə sosial mühitdən uzaq olan uşaqların açıq ola biləcək sosial bacarıqlarını bərpa etmələri lazımdır. 

Tehsil.biz-in məlumatına görə, bunun üçün xüsusilə anaların və ataların vacib vəzifələri var. Ailələr bəzən uşaqlarını yalnız qalmalarına, dostlarını öz tərəfindən seçmələrinə icazə vermək kimi çətin olmayan, amma, təsirli üsullarla sağlam sosiallaşmada dəstək verə bilərlər.

Bütün dünyada və ölkəmizdə sosial təcrid olunma məcburiyyətində olduğumuz pandemiya prosesi zamanı həm uşaqlar, həm də böyüklər təhlükəsiz yer təmin edən sosial mühitlərindən uzaq qaldılar. Bu günlərdə bəzi şagirdlər fiziki olaraq məktəbə qayıtdıqda uşaqların sosial bacarıqlarını bərpa etmələri (oyuncaqlar paylaşmaq, oyunlara qarışmaq, növbələrini gözləmək kimi) həm müəllimlərin, həm də valideynlərin əlindədir.

Uşaqlara sosial bacarıqları öyrətməyin yolları isə:

1.Onların tək qalmalarına icazə verin: 
Uşaqlarınızı nəzarətiniz altında tək qalması üçün bir səy göstərin. Evdə davamlı birlikdə oyun oynamaq lazım deyil. Uşaqlara tək oynamaq və vaxt keçirmək imkanı verilməlidir.

2.Daimi oyunlar planlaşdırmayın:
 Uşaqlarınızla xoş vaxt keçirməyiniz vacibdir.Bununla yanaşı, ardıcıl olaraq strukturlaşdırılmış tədbirlər təklif etməməlisiniz. Uşaqların təsəvvürləri və oyun qurma bacarıqları bu şəkildə zənginləşdirilə bilər. 'Yaxşı oyun qurucu' olmağı dostlar arasında maraqlı bir xüsusiyyət olduğunu unutmayın.

3.Dostunu evə gətirməsinə icazə verin: 
Uşağınız dostlarını evə gətirsin. Bu, uşağın yeni dostlar qazanması və inkişaf etdirməsi üçün təsirli bir yoldur. Cəmiyyətdəki sosial qaydaları öyrənmək üçün də lazımdır.

4.Dostlarını özü seçməsinə icazə verin:
 Uşağınıza öz dostlarını seçmə şansı verin. Bu, onlara müstəqil bir şəxsiyyət inkişaf etdirməyə imkan verir. Uşaq üçün yeni dostlar qazanmaq və bunu öz seçimləri ilə etmək çox dəyərlidir. Çünki uşağın hər dostu onun üçün fərqli bir təcrübə olacaqdır.

5.Problemini dinlə, amma həll etmə: 
Dostluq problemlərindən danışanda siz qulaq asın, ancaq problemlərini siz yox, özü həll etməlidir. Uşaqlarınızı buna təşviq edin.

6.Həll yolunu birlikdə axtarın:
 Söhbət zamanı ondan həll üçün nə edə biləcəyini soruşun və birlikdə həll yollarını axtarın.