Lerik rayonunun Vov kənd ümumi orta məktəbində müəllim çatışmazlığı var.
"Tehsil.biz"in məlumatına görə, adıçəkilən məktəbdə musiqi, kimya, biologiya və fizika fənnini tədris edəcək müəllim olmadığına görə, həmin fənləri qeyri-ixtisas fənn müəllimləri tədris edirlər.
Məsələ ilə bağlı Lənkəran-Astara Regional Təhsil İdarəsindən "Tehsil.biz"ə bildirilib ki, ucqar kənd məktəblərində müəllim çatışmazlığının olması başadüşülən olmalıdır. İdarədən qeyd olunub ki, bu məsələ ilə bağlı narazılıqlar araşdırılacaq, ətraflı məlumat veriləcək.
Mərcanə Əsədova