Dövlət İmtahan Mərkəzi tərəfindən mart ayında göstərilmiş xidmətlərin statistikası açıqlanıb.

Mərkəzdən "Tehsil.biz"ə bildirilib ki, mart ayında keçirilmiş imtahanlarda 101 min 563 nəfər iştirak edib.

DİM-in elektron xidmətlərindən istifadə sayı 1 milyon 357 min 362 olub. Mart ayı ərzində 4250 vətəndaş qəbul edilib. Beynəlxalq imtahanlarda 173 nəfər iştirak edib. Çağrı Mərkəzi vasitəsilə 18 min 66, elektron poçt vasitəsilə 1942, sosial şəbəkələr vasitəsilə 3500-dən artıq müraciət cavablandırılıb. Çatbota daxilolma sayı 8816 olub.

Abituriyent məsləhət mərkəzlərinə 3100-dən artıq müraciət olub.