Mingəçevir Dövlət Universitetinin (MDU) İnformasiya Texnologiyaları Mərkəzinin əməkdaşı Xəyal Hüseynov İqtisadiyyat, Elm və Təhsil nazirliklərinin dəstəyi ilə Alqoritmika Beynəlxalq Proqramlaşdırma Məktəbi tərəfindən təşkil edilən 5 aylıq İT kursunda təmsil olunub.
Bu barədə "Tehsil.biz"ə MDU-dan məlumat verilib.
Bildirilib ki, onlayn və offlayn formatlarda keçirilən təlimlərdə iştirak etməklə X.Hüseynov İT sahəsi ilə yanaşı, karyera inkişafı ilə bağlı bilik və bacarıqlarını da artırmaq imkanları əldə edib.
Sonda kursu uğurla başa vuran MDU əməkdaşı müvafiq sertifikatla təltif olunub.
