Mayın 31-də Azərbaycan Milli Elmlər Akademiyasının Biologiya və Tibb Elmləri Bölməsinin təşkilatçılığı ilə “Heydər Əliyev və Azərbaycan təbiəti” mövzusunda beynəlxalq konfrans keçiriləcək.

AMEA-dan "Tehsil.biz"ə bildirilib ki, konfrans Ümummilli Lider Heydər Əliyevin anadan olmasının 100 illik yubileyinə həsr edilib.

Konfrans Azərbaycanın təbii kompleksləri, ekosistem tədqiqatları, ətraf mühitin qorunması, bioloji müxtəliflik, onun mühafizəsi və səmərəli istifadəsi, qorunan ərazilər, onların idarə olunması problemləri, Azərbaycanın landşaftlarının torpaq və su ehtiyatları, ekoloji və bioloji resursların dinamikası, populyasiya tədqiqatları, paleobiologiya və geobiologiya, canlı növlərin tədqiqinə müasir (o cümlədən molekulyar-genetik) yanaşmalar, Azərbaycan təbiətinə dair elektron məlumat bazaları və rəqəmsal xəritələşdirmə, işğaldan azad edilmiş ərazilərin təbiəti, ekoturizm istiqamətlərini əhatə edir. Beynəlxalq konfransda iştirak etmək istəyənlər tezisləri mayın 15-dək [email protected] ünvanına göndərməlidirlər.

Konfrans və tezislərin tərtibi qaydaları ilə AMEA-nın saytında tanış olmaq mümkündür.