23-26 may tarixlərində Neft və Qaz İnstitutunda “Heydər Əliyev və Azərbaycanın neft strategiyası: neft-qaz geologiyası və geotexnologiyalarında irəliləyişlər” adlı beynəlxalq elmi-praktiki konfrans keçiriləcək.
Bu barədə "Tehsil.biz"ə Elm və Təhsil Nazirliyindən bildirilib.
Konfrans neft-qaz geologiyası, geokimyası, geofizikası, neft və qaz yataqlarının işlənməsi, quyuların qazılması, süxur mexanikası və geoekologiya istiqamətləri üzrə alim və mütəxəssislər üçün nəzərdə tutulub.
Konfrans çərçivəsində “Yerin deqazasiyası, istixana qazlarının emissiyaları və karbon qazının basdırılması şəraiti” adlı elmi forumun keçirilməsi də planlaşdırılır.
Konfransda iştirak üçün elektron qeydiyyat prosesi 19 may tarixinədək davam edəcək. Konfrans barədə ətraflı məlumatı https://conference.ogi.az/ rəsmi internet saytından əldə edə bilərsiniz.
