Tələbələr elmi yazılar yazarkən mütləq şəkildə istinadlar verməlidirlər. Müasir dövrdə isə tələbələr doğru istinadlar tapmaqda çətinlik çəkirlər. Bu məsələdə onlara pulsuz açıq jurnallar təqdim edən vebsaytlar mövcuddur. Bu vebsaytlar etibarlı akademik məlumat axtarmalı olan, lakin bunun üçün pul ödəyə bilməyən fərdlər və qruplar üçün olduqca faydalı mənbələrdir.

Tehsil.biz müxtəlif elm sahələri üzrə bilikləri genişləndirmək üçün ən yaxşı açıq jurnalların bir neçəsinin siyahısını tərtib edib:

Elsevier - bu jurnallar kardiologiya anesteziologiya, yoluxucu xəstəliklər və hətta torpaq mexanikası da daxil olmaqla ağlınıza gələn elm və təbabətin demək olar ki, istənilən sahəni əhatə edir. Elsevier-də işə başlamaq üçün sadəcə onun açıq giriş saytına daxil olmaq və "Qızıl açıq giriş" kimi qeyd olunan jurnalları axtarmaq lazımdır. Yadda saxlayın ki, "Yaşıl açıq giriş" etiketləri olan jurnallar ödəniş etməli olduğunuz abunə jurnallarıdır.

SAGE Open - daha bir köklü jurnal nəşriyyatıdır. Onun açıq giriş vebsaytı tədqiqatçılar, tələbələr və geniş ictimaiyyət üçün ən ciddi ekspert rəyi standartlarına uyğun tədqiqatlar aparmağı vəd edir. Pandemiya səbəbindən SAGE həmçinin COVID-19 ilə əlaqəli bütün tədqiqatları oxumaq və yükləmək üçün pulsuz etdi.

SpringerOpen - 2010-cu ildə fəaliyyətə başlayan SpringerOpen o vaxtdan bəri ən nüfuzlu açıq jurnallardan biri kimi şöhrət qazanıb. Təşkilat elm, texnologiya, humanitar və sosial elmlərin bütün sahələrindən olan mütəxəssisləri cəmiyyətdəki müxtəlif məsələlərə dair məlumatlılığı artırmaq üçün tədqiqat işləri təqdim etməyə dəvət edir.

Royal Society Open Science - adından aydın göründüyü kimi, Royal Society Open Science dünyanın ən qədim və bəlkə də ən tanınmış müstəqil elmi akademiyası olan Böyük Britaniyadakı Kral Cəmiyyəti tərəfindən nəşr olunan açıq çıxış jurnalıdır. Təkcə bu reputasiya ilə onun tədqiqat sənədlərinin keyfiyyətinin yüksək səviyyədə olduğuna əmin ola bilərsiniz. Onun redaktor heyəti də bu sahədə ən yaxşı alimlərdən ibarətdir. Royal Society Open Source həyat elmləri, fizika elmləri, riyaziyyat, mühəndislik və kompüter elmləri daxil olmaqla geniş spektrli fənlərdən nəzərdən keçirilmiş məzmunu dərc edir.

JSTOR - əgər siz humanitar elmlər üzrə tələbəsinizsə, xüsusən də ingilis dili ixtisası üzrə təhsil alansınızsa, JSTOR-u öz xilaskarınız hesab edin. JSTOR humanitar elmlərə yönəlmiş ən yaxşı nəşrlərdən biridir və populyar tələbə görə, indi bir çox elmi jurnalını açıq istifadəyə verib.

MDPI - İsveçrənin Bazel şəhərində yerləşən açıq giriş jurnallarının naşiridir. O, 297 müxtəlif, resenziyalı jurnalda işləyən 67.000-dən çox redaktordan ibarət geniş dünya şəbəkəsinə malikdir. Humanitar elmlər onlayn nəşrdir və hər rüb nəşr olunur. Kinoşünaslıqdan tutmuş dilçilik və ədəbiyyata qədər humanitar və sosial elmlərdə müxtəlif sahələr üzrə demək olar ki, istənilən tədqiqat işi tapa bilərsiniz.

Kənan Nağıbəyli