Logo

Nazir 700 bal toplayan Prezident təqaüdçüsü ilə görüşüb

26.05.2023 15:54 534 baxış
IMG

Eım və təhsil naziri Emin Əmrullayev bu gün İsmayıllı rayonunda keçirilən vətəndaşların qəbulu zamanı Lahıc qəsəbə tam orta məktəbinin məzunu, 2017-ci ildə keçirilən qəbul imtahanlarında 700 bal toplayaraq “Prezident təqaüdçüsü” adını qazanan Vahab Cəbrayılovla görüşüb.

Tehsil.biz xəbər verir ki, bu barədə nazir feysbuk hesabında yazıb.

"Vahab bu il Türkiyənin Orta Şərq Texniki Universitetindən (ODTÜ) kompüter mühəndisliyi ixtisası üzrə məzun olub. Ona ABŞ-nin Kolumbiya Universitetində eyni ixtisasla əlaqədar doktorantura təhsili almaq və professor köməkçisi kimi çalışmaq təklif olunub.

Vahab kimi gənclərimizlə görüşmək məni çox qürurlandırır. Tələbəmizi təbrik edir, ona gələcək təhsilində yeni nailiyyətlər arzulayıram", - deyə nazir qeyd edib.

Xəbər lenti