Təhsil İnstitutu tərəfindən Elm və Təhsil Nazirliyi və BMT-nin Uşaq Fondu (UNICEF) ilə birgə həyata keçirilən “İnklüziv sinif təşkil edilən ümumi təhsil müəssisələrinin şəbəkəsinin genişləndirilməsi” layihəsi çərçivəsində 10 region üzrə 22 ümumi təhsil müəssisəsində inklüziv təhsil tətbiq olunur.
Bu barədə "Tehsil.biz"ə institutdan bildirilib.
Qeyd olunub ki, bu təhsil müəssisələrində əlilliyi olan 162 şagird (50-si qız, 112-si oğlan) 2022/2023-cü tədris ilini müvəffəqiyyətlə başa vurub.
