Azərbaycan Dillər Universitetinin İngilis dilinin leksikologiyası və üslubiyyatı-2 kafedrasının müəllimləri Azadə Mikayılova, Nərgiz Səlimova və Leyla Məmmədova "İngilis dilinin tədrisində strategiyalar və innovasiya" mövzusunda peşəkar inkişaf təlimlərini özündə birləşdirən beynəlxalq konfransda iştirak ediblər.

Bu barədə "Tehsil.biz"ə ADU-dan bildirilib.

Sözügedən konfrans 16-17 iyun tarixlərində ABŞ səfirliyi, ADA universiteti və Şimali Karolina Universitetinin təşkilatçılığı ilə baş tutub.

Konfrans zamanı ingilis dili müəllimləri öz təcrübələrini də paylaşıblar.

Konfransın sonunda müəllimlərə sertifikatlar təqdim olunub.