Xəbər verdiyimiz kimi, Gürcüstan Milli Elmlər Akademiyasının yeni seçilmiş prezidenti, akademik Roin Metreveli Azərbaycan Milli Elmlər Akademiyasının prezidenti, akademik İsa Həbibbəyliyə təşəkkür məktubu ünvanlayıb.

AMEA-dan "Tehsil.biz"ə verilən məlumata görə, bununla bağlı Gürcüstanın “24news.ge”saytında gürcü və rus dillərində geniş xəbər yayımlanıb.

Xəbərdə akademik Roin Metrevelinin Gürcüstan Milli Elmlər Akademiyasında keçirilən prezident seçkilərində namizədliyini dəstəklədiyi üçün akademik İsa Həbibbəyliyə minnətdarlığı əksini tapıb, həmçinin ölkələrimizin elmi və iqtisadi inkişafı və müxtəlif elm sahələrində yeni nailiyyətlər naminə AMEA ilə səmərəli və faydalı əməkdaşlığın bundan sonra da davam etdiriləcəyi bildirilib.