Dövlət İmtahan Mərkəzi (DİM) tərəfindən Naxçıvanda IV ixtisas qrupu üzrə ali məktəblərə qəbul imtahanı keçirilib.

Tehsil.biz xəbər verir ki, DİM-in Naxçıvan Regional Bölməsinin müdiri Sabir Məmmədov imtahanların saat 10:00-da başlandığını bildirib.

Naxçıvan şəhərindəki 11 və Heydər Əliyev adına tam orta məktəblərdə təşkil olunan imtahanlar 32 zalda keçirilib. İmtahanların keçirilməsinə 5 imtahan rəhbəri və 39 nəzarətçi cəlb olunub, 371 abituriyent iştirak edib.

İmtahan nəticələrinin yaxın 2 həftə ərzində elan olunması nəzərdə tutulur.