SOCAR-ın Bakı Ali Neft Məktəbinin “Neftçi Mühəndisləri Cəmiyyəti” komandası Qobustan Eksperimental Poliqon və Tədris Mərkəzinə sahə gəzintisi təşkil edib.
Tehsil.biz xəbər verir ki, gəzintidə Bakı Ali Neft Məktəbinin (BANM), Azərbaycan Dövlət Neft və Sənaye Universitetinin (ADNSU), Bakı Mühəndislik Universitetinin (BMU) və Azərbaycan Fransız Universitetinin (UFAZ) tələbələri iştirak ediblər.
Gəzinti zamanı tələbələr günəş panelləri, külək turbinləri və biokütlə texnologiyaları ilə yaxından tanış olmaq imkanı əldə ediblər.
Sahə gəzintisinin koordinatoru BANM-in Neftçi Mühəndislər Cəmiyyətinin üzvü Çingiz Hacıyev olub.
