Elm və Təhsil Nazirliyinin Radiasiya Problemləri İnstitutunun gənc alimi Hacı Vahid Axundzadə Fransada qısamüddətli elmi təcrübə keçəcək.
Bu barədə "Tehsil.biz"ə institutdan bildirilib.
Azərbaycan Elm Fondunun cari ildə elan edilmiş 10-cu “Mobillik qrantı” müsabiqəsində “Struktur biologiya və molekulyar dokinq” mövzusu üzrə qrant qazanmış gənc alimin təcrübəsi sentyabr-oktyabr aylarını əhatə edir və Nans şəhərində yerləşən Lorian Universitetində baş tutacaq.
