Azərbaycan Dövlət Aqrar Universitetinin (ADAU) Tədris şöbəsinin müdiri Elay Zeynallı, Elm şöbəsinin müdiri Elçin Nəsirov və Keyfiyyət Təminatı və Strateji İnkişaf şöbəsinin müdir Mehman Kərimov Rumıniyanın Timişora şəhərində yerləşən "King Mihai I" Həyat Elmləri Universitetində Erasmus+ proqramı çərçivəsində ezamiyyədə olublar.

Bu barədə "Tehsil.biz"ə ADAU-dan bildirilib.

Proqram çərçivəsində ADAU-nun nümayəndə heyəti Universitetin keyfiyyət təminatı sistemi, zəngin kitabxanası, böyük imkanlara malik laboratoriyaları və aparılan elmi-tədqiqat işləri ilə tanış olublar. 

Həmçinin, heyət layihə çərçivəsində Çilinin ən nüfuzlu universitetlərindən biri olan Universidad Catolica Del Maule universiteti ilə əməkdaşlıq memorandumu imzalayıb, əlavə olaraq Bosnia və Hersoqovina, Rumıniya və İndoneziyanın universitetləri ilə əməkdaşlıq memorandumu imzalanması üçün razılıq əldə edib.

Səfər çərçivəsində Aqrar Universitetin əməkdaşları ADAU və ölkəmizin kənd təsərrüfatı haqqında təqdimatlar da ediblər.