Xəzər Universitetinin təsisçisi, Direktorlar və Qəyyumlar Şurasının sədri, Gürcüstanın Şərq-Qərb Universitetinin qurucusu Hamlet İsaxanlı Ankarada Qazi Universitetinin rektoru Musa Yıldız ilə görüşüb.

Xəzər Universitetindən "Tehsil.biz"ə bildirilib ki, görüşdə professor Hamlet İsaxanlı Xəzər və Şərq-Qərb universitetləri haqqında məlumat verib.

Rektor Musa Yıldız Xəzər Universiteti ilə əməkdaşlığın gələcəkdə də davam etdirilməsinin vacibliyini vurğulayıb. O, Gürcüstanın Şərq-Qərb Universiteti ilə əlaqələrin qurulacağına əminliyini bildirib.