Rezidenturaya qəbul imtahanının imtahanın II mərhələsində iştirak etmək üçün 934 namizəd qeydiyyatdan keçib.

Bu barədə "Tehsil.biz"ə Dövlət İmtahan Mərkəzindən məlumat verilib.

Bildirilib ki, onlardan 756 namizəd Azərbaycan bölməsinin, 178 namizəd rus bölməsinin, 336 namizəd cari ilin, 598 namizəd əvvəlki illərin məzunudur.

İmtahanın idarə olunması üçün 5 ümumi imtahan rəhbəri, 13 imtahan rəhbəri, 88 zal nəzarətçisi, 14 buraxılış rejimi (mühafizə) əməkdaşı ayrılıb. İmtahan Bakı şəhərində 4, Naxçıvan şəhərində 1 binada avqustun 13-də keçiriləcək və saat 10:00-da başlanacaq.