Bakı Slavyan Universitetinin (BSU) bir qrup tələbəsi və Slavyan filologiyası kafedrasının müəllimi İrina Pçelintseva-Palamidessi Bolqarıstanda yay məktəbində iştirak ediblər.

BSU-dan "Tehsil.biz"ə bildirilib ki, Müqəddəs Kliment Oxridski adına Sofiya və Müqəddəs Kiril və Mefodiy adına Veliko Tırnovo universitetləri tərəfindən təşkil olunan “Bolqar dili və mədəniyyəti” adlı yay məktəbinin sonunda iştirakçılar sertifikatlarla təltif olunublar.