9-cu siniflər üçün təşkil olunan sınaq imtahanında müğənni Hissin “Mars” adlı mahnısındakı “mahnılarım qızıldır, paslanmır” sözləri yer alıb.

Tehsil.biz xəbər verir ki, bu barədə sosial şəbəkələrdə paylaşılıb.

Belə ki, özəl tədris müəssisələrindən birində keçirilən sınaq imtahanında istifadə olunmuş həmin sualların Dövlət İmtahan Mərkəzinin (DİM) bazası əsasında hazırlandığı iddia edilib.

Məsələ ilə bağlı "Tehsil.biz"ə açıqlama verən DİM-in mətbuat katibi Xanlar Xanlarzadə müzakirələrə səbəb olan sualın Dövlət İmtahan Mərkəzinin bazası əsasında hazırlanmadığını bildirib.

“Qeyd olunan sualın DİM-in test bankına aidiyyəti yoxdur. Sadəcə bizimlə dəqiqləşdirmə aparılmadan paylaşıblar”, - DİM rəsmisi qeyd edib.

Kənan Nağıbəyli