Bakı Ali Neft Məktəbinin Erasmus+ və Beynəlxalq Proqramlar Ofisi II kurs bakalavr tələbələri üçün onlayn məlumatlandırıcı sessiya təşkil edib.

BANM-dən "Tehsil.biz"ə verilən məlumata görə, sessiyada tələbələrə mümkün mübadilə imkanları, müraciət və seçim qaydaları ilə bağlı məlumat verilib, onların sualları cavablandırılıb.

Görüşdə həmçinin mübadilə iştirakçısı olmuş Kimya mühəndisliyi ixtisasının tələbəsi Fatimə Məmmədova və İnformasiya təhlükəsizliyi ixtisasının tələbəsi Roman Tolstoşoyev təqdimat keçirərək təcrübələrini bölüşüblər.