Bakı Dövlət Universitetinin (BDU) Tədqiqat, İnkişaf və İnnovasiyalar üzrə Mükəmməllik Mərkəzinin Nanoaraşdırmalar elmi-tədqiqat laboratoriyasının baş elmi işçisi, professor Imaməddin Əmiraslanovun “Fonsuz həndəsi ornamentlərin tarixi, evolyusiyası, üslub və tərzləri" adlı elmi seminarı keçirilib.

Universitetdən "Tehsil.biz"ə bildirilib ki, əvvəlcə məruzəçi bu ornamentlərin spesifikliyi, tarixi, coğrafiyası haqqında məlumatları təqdim edib. Türk dünyasında istifadə edilən naxışların ümumiliyi və yayıldığı coğrafiya barədə məlumat verib. Bənzər ornamentlərin daha geniş coğrafiyada istifadəsi məsələləri və səbəbləri izah edilib. Həmçinin bu naxışların Avropa və Hind-Çin mədəniyyətlərində istifadə edilən naxışlarla müqaisəli təhlili aparılıb. Seminarda istifadə edilən naxışların eynigüclü olmasına diqqət yetirilib və dinləyicilər üçün fonsuzluq anlayışının açıqlaması verilib.

Məruzə zamanı bu ornamentlərin kristalların mikroskop şəkilləri ilə bənzərliyi barədə də məlumat təqdim olunub və şəkillərin müqayisəli təhlili aparılıb. Məruzə iştirakçılar tərəfindən maraqla qarşılanıb, məruzəçiyə müxtəlif sual və təkliflər verilib. Seminarda aparılan tədqiqatın türk dünyası üçün önəmi və cəmiyyətimizin inkişafına təsiri barədə müzakirələr aparılıb.