Xəbər verdiyimiz kimi, noyabrın 29-da keçirilən Akademiyanın Ümumi yığıncağında Nobel mükafatı laureatı Əziz Səncər AMEA-nın fəxri üzvü seçilib.
"Tehsil.biz"in məlumatına görə, bu xəbərə qardaş Türkiyənin “yesiligdir”, “haberiniz.com”, “kastamonuguncel”, “tum1haber”, “guvengazetesi”, “adanamasasi”, “biganinsesi”, “ajanscyprus”, “aciksoz.com.tr” və digər saytları geniş yer verib.
Əziz Səncərin Akademiya rəhbərliyinin təklifini böyük məmnuniyyətlə qəbul edərək göndərdiyi məktubda Azərbaycanda elmin inkişafına əlindən gələn dəstəyi göstərməyə hər zaman hazır olduğunu bildirdiyi oxuculara çatdırılıb.
