Türkiyənin Ege Universitetinin Gənclər Ofisi tərəfindən mədəniyyət görüşləri çərçivəsində “Azərbaycan günü” keçirilib.

ADAU-dan "Tehsil.biz"ə bildirilib ki, tədbirin keçirilməsində məqsəd Azərbaycan xalqının adət-ənənələrinin, mətbəxinin və rəqslərinin tanıdılması olub.

Türkiyədə ADAU-EGE ikili diplom proqramı çərçivəsində təhsil alan tələbələrimizin də iştirakı ilə keçirilən tədbirdə Azərbaycan və Türkiyənin tanıtımından sonra rəqs və musiqi nömrələri ifa edilib, hər iki ölkə mətbəxindən nümunələr təqdim olunub.