Mədəniyyət Nazirliyi və Azərbaycan Rəssamlar İttifaqının (ARİ) birgə təşkilatçılığı ilə "Heydər Əliyev rəssamlarla" adlı fotosərginin açılış mərasimi keçirilib.

Mədəniyyət Nazirliyindən "Tehsil.biz"ə verilən məlumata görə, ARİ-nin Vəcihə Səmədova adına sərgi salonunda gerçəkləşən sərginin açılışında mədəniyyət naziri Adil Kərimli, ARİ-nin sədri Xalq rəssamı Fərhad Xəlilov, tanınmış fırça ustaları və sənətsevərlər iştirak ediblər.

Sərgidə mədəniyyətimizin böyük himayədarı, Ulu öndər Heydər Əliyevin vaxtilə ziyarət etdiyi rəsm sərgilərindən çəkilmiş fotolar nümayiş etdirilir.