Bu il peşə təhsili alan tələbələr üçün xarici ölkələrdə tədris olunan 22 dərsliyin Azərbaycan dilinə tərcüməsinə başlanılıb.
Peşə Təhsili üzrə Dövlət Agentliyindən "Tehsil.biz"ə bildirilib ki, 2023-cü ilin son rübündən türkcə 16, ingiliscə 4, almanca 2 dərsliyin tərcüməsi aparılır. Tərcümədə olan Türkiyənin peşə təhsili dərslikləri qida təhlükəsizliyi, satış, İKT, poliqrafiya və s. sahələri, Böyük Britaniya və Almaniyanın dərslikləri isə elektronika, logistika, metal mühəndisliyi sahələrini əhatə edir.
